نصائح قبل شراء السلاحف..

كيف تشترى سلحفاة
1 - السلحفة تكون نشطة و متنبهة
2 - العين صافية و رائقة و سوداء لامعة و ليس بها افرازات او عماص او منتفخة او مغلقة .
3 - المنقار أو الفم يكون الفكين فوق بعض مفيش واحد فيهم خارج عن التانى ، مفيهوش تكسير او اعوجاج او افرازات مثل القئ مثلا .
4 - الأيدى سليمة و بتقدر تمشى عليها و الأظافر كلها موجودة .
5 - الارجل سليمة و بتقدر تمشى عليها و الأظافر كلها موجودة .
6 - الذيل يكون نظيف و فتحة الاخراج نظيفة و غير متورمة او مجروحة
7 - الصدفة تكون لامعة و ليس بها كسور او تشققات او تعفنات من اعلى او من اسفل ( الصديرى) و غير ملونة صناعيا بالالوان و البويات ، و ايضا لا يكون عندها تهرم
8 - خد فى جيبك كيس فية شريحتين خيار ، و لما تختار سلحفة بناء على كل اللى فات دة ، قدم لها شريحة الخيار لو سابتها و مشيت متاخدهاش ، اما لو و انت بتشترى لقيت السلحفة اصلا بتاكل عند البياع ، فدى بقى سلحفة متتسابش
9 - السلحفة اللى وزنها تقيل تبقى كويسة و بتاكل .. هات سلحفتين زى بعض فى النوع (ذكرين او انثتين) و يكونوا زى بعض فى الحجم و حط كل واحدة فى كف .. الاثقل فى الوزن هى الافضل

من جروب محبي السلاحف